Здраво Слабеење со Диета 5:2

диета за брзо слабеењеШто е диета 5:2?

Диетата 5:2 е всушност режим на исхрана со која пет денови во неделата можеме да конзумираме што сакаме односно да си јадиме „нормално“, а два дена во неделата мораме да внимаваме што внесуваме во нашето тело.

Поради фактот што оваа диета е многу проста и лесна, во моментов е многу популарна и е диета број еден за многу луѓе со зголемена телесна тежина.

Суштината на диетата е следната: Пет денови во неделата можеме да ги задржиме нашите прехрамбени навики и да конзумираме она што вообичаено го јадеме, а два дена во неделата мораме да се придржуваме на правилото во телото да внесеме не повеќе од 500 калории за жени и 600 калории за мажи. Се разбира доколку внесете 550 калории наместо 500 или за мажи доколку внесете 700 наместо 600 тоа не значи дека диетата е упропастена, туку дека резултатите на диетата нема да бидат толку добри колку што сте очекувале. Доколку правилно ја држите оваа диета можете да очекувате намалување на телесната тежина и до три килограми месечно.

Со ограниченото внесување на прехрамбени материи во организмот во овие два дена, нашето тело „влегува“ во мод на одмарање и поправка на клеточно ниво. Исто така голема корист од оваа диета е што во овие два дена ние му даваме „слободен ден“ на нашиот дигестивен систем и останатите органи (од кои најважен е панкреасот) кои се поврзани со него. Continue reading

Диета за време на авионски летови

диета за време на летањеСекое патување предизвикува стрес и нервози. Нарочито ако патуваме со авион и менуваме временски зони. Сепак со мало планирање на нашата диета можеме да избегнеме големи непријатности.

Стресот и нервозата често започнуваат неколку дена пред да полетаме. Каде да купиме авионски билети, што да понесеме со нас, а сепак да не биде целиот наш гардеробер, како да пристигнеме на аеродром? Тоа се само некои од проблемите што треба да ги решиме… За среќа информирањето, резервацијата и купувањето на авионски билети, денес можеме да ги решиме преку интернет. Откако сме купиле или резервирале авио билет, можеме да се концентрираме на другите аспекти на нашето патување, пред се како најдобро да ги поднесиме сите искушениа кои аеродромските гужви, аеродромското обезбедување, полетувањето, самиот авионски лет, слетувањето итн…

Тајната на доброто патување со авион е нашата диета односно исхрана пред и за време на летот. Постои храна која во никој случај не треба да ја конзумираме пред полетувањето или за време на самиот лет. Continue reading

Што е здрава исхрана?

Што е тоа здрава исхрана?

Доколку читаме, гледаме или ги слушаме нутриционистите и експертите за здрава исхрана, добиваме впечаток дека секоја храна е корисна или штетна за нешто. Храната која за определена личност со определени здравствени и физички предиспозиции е корисна, лесно може да биде штетна за личност која има спротивни предиспозиции.

здрава храна

На пример, храната која е богата со протеини е корисна за личности кои сакаат да го намалат процентот на телесни масти и да го зголемат процентот на мускулна маса, но е штетна за личности кои имаат определени проблеми со бубрезите.

Затоа не треба „слепо“ да се држиме до препораките и советите кои најчесто ги восприемаме од медиумите, но самите да се едуцираме и да пронајдеме што би можело да се дефинира како здрава или корисна исхрана за нас самите.

Како да постапуваме со најзастапените прехрамбени продукти а да не згрешиме? Continue reading

Рецепт за Шпагети

Доколку правиме список на најпознатите кујни на светот, сигурно доста високо на списокот би се нашла Италијанската кујна. Причина за ова не е нејзината разновидност, иако тоа не и недостасува, туку големото богатство на лесни и прости рецепти кои откако ќе се послужат не оставаат без здив од богатството на мириси и вкусови. Голем дел од рецептите се толку лесни што може слободно да се рече дека сте завршиле со припремање на храната пред воопшто да сте почнале.

Еден од тие лесни, прости рецепти кои едноставно не можеме да ги згрешиме е и рецептот за Шпагети со маслиново масло, лук и црвена пипер односно:

Spaghetti Aglio, Olio e Peperoncini

Како што и кажува самото име на рецептот се работи за шпагети во кои главни состојки се маслиновото масло, лукот и пеперончините, односно мелена сува црвена пиперка. Continue reading

Диети за секој ден

Има две врсти на диети:

– Диети на кои се придржуваме со челична дисциплина и кои во поголем број од случаевите делуваат и

– Диети на кои се придржуваме првите неколку дена а потоа почнуваме со забушавање… Тие најчесто не ни ги даваат посакуваните резултати.

Затоа диетите не треба да ги сватиме како начин на исхрана во ретки периоди, туку треба да ги усвоиме како нормална исхрана во секојдневниот живот.

Еве неколку прости примери на диети кои ќе ни овозможат да ослабиме. Continue reading

Калории во бананите

Бананите се овошје со планетарна популарност и луѓето секојдневно уживаат во нив. Но за многумина од нас кои следиме диета битен е следниот факт:

Колку калории имаат бананите? Continue reading

Пет прехрамбени продукти за кои мислите дека се добри

malini i borovinki ovosjeАко држите диета и се обидувате да изгубите неколку килограми, најлошото нешто е неинформирано да се држите до некои сваќања кои модерната медицина и нутриционистика ги има отфрлено. Овие прехрамбени продукти можат да ве саботираат, а вие исфрустрирани да се откажете од уште еден обид и без да знаете зошто вашата диета не е успешна.
1. Прв продукт на листата е пченичниот леб.
Многу луѓе го јадат овој леб затоа што си мислат дека е подобра опција од обичниот бел леб. Може да биде точно, но треба да внимавате дали е направен од цело зрно и/или има додатоци од ’рж и овес. Доколку е така, тогаш лебот е добар затоа што во него има диетални влакна и други состојки кои ќе ви помогнат да го смалите вашето стомаче. Но повеќето од овие лебови се само потемни верзии од обичниот бел леб. Ако е потемен тоа не значи и дека е поздрав. Во повеќето случаеви овие лебови се многу слични по нутритивна вредност.

2. Печени компири.
Без многу калории и со одлична хранлива лушпа, печените компири се многу популарни кај лицата кои држат диета. Но мора да се нагласи дека печените компири содржат доста скроб кој телото го третира на ист/сличен начин како и шеќерот. Дијабетичарите и сите со инсулински отпор (познат и како метаболитички синдром), треба да го избегнуваат скробот бидеќи може да предизвика покачување на гликозата во крвта. Continue reading

Колку калории има во сојата

соини шницли соино млеко печена сојаАко сте љубители на вегетаријанските диети или само сакате да го редуцирате внесувањето на месото, сојата е вистински заменски продукт. Во сојата има многу малку масти, а е богата со протеини и јагленохидрати односно шеќери.

Историски факти: Сојата потекнува од Источна Азија и како растение била масовно одгледувана во Јапонија и Кина. Заслужни за нејзиното ширење во Централна Азија се будистичките калуѓери од каде сојата се раширила низ целиот свет. Успешноста на ширењето на оваа култура се должи на нејзината огроман вредност како храна со одлични карактеристики и одлично избалансиран однос помеѓу протеините, шеќерите и мастите.

Конзумирајте околу 50 до 70 грама на соини шницли во текот на еден ден. Во 50 грама соини шницли има 168 калории, односно 100 грама соини шницли содржат 336 калории. Во соините шницли има 61 процент протеини, 36 проценти јагленихидрати и само 6 проценит масти.
Во 100 грама соини зрна има 432 калории, а процентот на протеини е од 43 до 50, во зависност од врстата на протеини и начинот на припремање.
шницли од соја
Сојата исто така може да се конзумира и во други облици како што се соиното млеко, сирењето, соја сосот, а најлесен и наједноставен начин за конзумирање на сојата се печените соини зрна кои можат да се набават во скоро сите наши продавници во мали пакувања од 70-100 грама па лесно можеме да ги носиме со себе и да ни бидат одлична ужина.
За повеќе идеи како да ја збогатите вашата исхрана со протеини погледнете го нашиот претходен натпис Најдобри извори на протеини.

Десет Најдобри Извори На Протеини

Протеините, покрај мастите и јагленохидратите се најважните составни делови на секоја храна. Колку протеини треба да внесуваат луѓето е сеуште дискутабилно, но генерално кај нутриционистите постои согласување дека жените помеѓу 19 и 70 години би требало да конзумираат не помалку од 46 грама протеини, а мажите од истата возраст не помалку од 56 грама протеини. Continue reading

Диетата на Пјер Дикан

Pjer Dikan

Кој е Пјер Дикан односно Pierre Dukan? Француски доктор и нутриционист кој пред десетина години, буквално стана селебрити со својата диета заснована на внесување на храна богата со протеини. Неговата книга буквално се разграбуваше од рафтовите на француските книжарници, а во последниве 10 години е преведена на повеќе светски јазици. Пјер Дикановата диета е круна на 35 годишни клинички истражувања, а неговите колеги се на мислење дека оваа диета е темел на решавањето на прекумерната телесна тежина, која е еден од најгорливите проблеми на современиот човек.

Во што е тајната на неговата диета?
Па… Добриот доктор Дикан развил концепт на диета која се заснова на протеинска храна. Кај нутриционистите е добро познат фактот дека протеините се употребуваат за градење на телото и при нивно внесување организмот се чувствува заситено, за разлика од внесувањето на шеќерите и мастите кои само на кратко не залажуваат, а се корисни само за на телото да му обезбедат доволно енергија за функционирање. Но, проблемите со исхраната во последниве децении е во тоа што имаме стотици „проблематични храни“ кои претежно содржат јагленихидрати, односно шеќери и масти, а многу малку протеини.

Затоа Др. Дикан, изготвил диета која се состои претежно од храна која е богата со протеини, но увидуваќи дека оваа диета е тешка за остварување, ја поделил во неколку фази и во некои од нив дозволува внес и на храна која сакаме да ја јадеме и е богата, како со протеини, така и со јагленохидрати (шеќери) и масти.
Диетата е поделена на четири фази.
1. Фаза – НАПАД (Нападна фаза).
2. Фаза – КРСТОСУВАЧКА (фаза на крстарење).
3. Фаза – Консолидирање (фаза на консолидирање).
4. Фаза – Стабилизација (Фаза на стабилизација на организмот).
Траењето на фазите, директно зависи од бројот на килограмите што сакате да ги изгубите. Обично првата фаза трае од 2 до 5 дена, но може да трае и подолго, но не се препорачува повеќе од 10 дена.

Прва фаза – Напад! Во оваа фаза е дозволено внесување на храна во која доминираат протеините. Значи треба да конзумирате: Телешко месо, јунешко, говедско, пилешко месо, мисирка (но не и месо од гуска или пајка). Наведените дозволени меса можат да се јадат и пушени, но претходно исчистени од масти. Месото може да се припрема на скара или печено, а може и варено. Не е дозволено месото да се пржи или при спремањето да се користат било какви масла или масти. Дозволена е и морска храна. При тоа внимавајте да биде варена, печена или пушена. Ако е конзервирана со вода е дозволена, но не и со масло. Белки од јајца во неограничени количини, но не и цело јајце (цело јајце само 2-3 пати неделно). Дозволено е обезмастено млеко, обезмастен јогурт и обезмастено сирење. Немојте да мамите со овошен јогурт, затоа што ќе ја упропастите целата диета. Како што спомнавме, треба да пиете повеќе вода, при што е дозволена само обична.

Од зачини, дозволени се повеќето, а можете да конзумирате и оцет, различни тревки како магдонос, мајчина душичка, а дозволено е и малку кромид и лук. Сол и сенф во многу мали количини. Можете да пиете и диетални газирани сокови, но без претерување (не повеќе од 1 л дневно). Можете да користите и вештачки засладувачи како и бонбони без шеќер.
Сите овие состојки можете да ги конзумирате во количини кои не се ограничени, освем ако не не поинаку наведено.
Ако планирате да симнете до 5 кг, оваа фаза може да трае 2-3 дена. За време на оваа фаза можете да изгубите еден до два килограми. Доколку планирате да изгубите 10 килограми оваа фаза би требало да трае 3 до 4 дена, а ќе изгубите 2 до 3 кг. Доколку планирате да изгубите 20 кг, траењето е 5-6 дена а ќе изгубите 3 до4 килограми. За губење на повеќе од 20 килограми, Нападната Фаза треба да трае барем седум дена, но не повеќе од десет. За време на оваа фаза, освем внесување на храна богата со протеини треба да го зголемите и внесувањето на вода. При оваа фаза се препорачува намалена физичка кативност.

Втората, таканаречена Крстосувачка Фаза е поделена на две под фази. Едната од овие подфази е времето во кое ќе можете да конзумирате се што е наведено во фазата 1 (Нападната фаза), но и зеленчуци како што се: Домати, краставици, пиперки, ротквица, спанаќ, брокули, аспарагус, праз, зелка, печурки, целер, анасон, црн домат, сите видови на салата. Морков и цвекло во мали количини. Другата подфаза е фазата во која можете да конзумирате само она што е дозволено во фазата 1 (Нападната фаза). Значи Крстосувачката фаза е фаза во која наизменично ќе можете да јадите протеинска храна комбинирана со зеленчук и само протеинска храна. Овие две фази, по препорака на самиот доктор Дикан треба да се менуваат на секои 5 дена, но не е погрешно доколку ги менувате и на 4 дена. Во оваа втора фаза можете да очекувате губење на еден до два килограми неделно. Оваа фаза трае до моментот кога сте ги изгубиле посакуваните килограми.

Третата фаза или фазата на консолидирање по правило би требало да трае девет дена за секој изгубен килограм во претходинте 2 фази. Значи доколку во првите 2 фази сте изгубиле 10 килограми, оваа фаза би требало да трае 3 месеци. На овај начин му даваме на телот време да се консолидира од диетата и да се навикне на новите правила на игра. Во оваа фаза можете да конзумирате се пто беше дозволено во 2 фаза и тоа без менување на подфази. Значи продолжувате секојдневно да конзумирате месо и зеленчук, а сега можете да јадете и по 2 овошки дневно (ги препорачуваме за доручек), но не и банани, грозје, цреши и јаткасти плодови. Сирење, но не повеќе од 40 грама дневно. Скробни храни како што се шпагетите, кускус, леќа, ориз и компири но само 2 пати неделно. Две парчиња леб дневно. Еднаш до два пати неделно можете да јадете и јагнешко, свинско и шунка.
Добрата вест во 3 фаза е што можете да си дозволите два оброка неделно, без да се лишувате од било што, но мораат да бидат одделени барем со еден ден помеѓу. Значи можете слободно да имате оброк заедно со вино и десерт.
Се разбира дека тоа не значи да „отепате“ цело шише вино и половина торта!

Во четвртата фаза или фазата на стабилизирање ви е дозволено да си го вратите вашиот нормален живот и да се храните „нормално“, со надеж дека поимот нормално сега за вас има ново значење. Во оваа фаза морате еден ден во неделата да конзумирате протеини, односно еден ден од првата фаза.
Се разбира оваа 4 фаза трае засекогаш.

Се надеваме дека оваа диета ја објаснивме најдобро што можеме. Некои автори за 2 фаза го користат и поимот „фаза на слабеење“, а 4 фаза ја нарекуваат „Крстосувачка“. Се надеваме дека со доброто објаснување на фазите се исклучува било каква забуна. Доколку користите помошна литература само следете ги упатствата за фазите по нивниот реден број.

Како и при секоја друга диета пред да почнете да ја користите, консултирајте се со вашиот матичен лекар или уште подобро со стручњак нутриционист.