Што е здрава исхрана?

Што е тоа здрава исхрана?

Доколку читаме, гледаме или ги слушаме нутриционистите и експертите за здрава исхрана, добиваме впечаток дека секоја храна е корисна или штетна за нешто. Храната која за определена личност со определени здравствени и физички предиспозиции е корисна, лесно може да биде штетна за личност која има спротивни предиспозиции.

здрава храна

На пример, храната која е богата со протеини е корисна за личности кои сакаат да го намалат процентот на телесни масти и да го зголемат процентот на мускулна маса, но е штетна за личности кои имаат определени проблеми со бубрезите.

Затоа не треба „слепо“ да се држиме до препораките и советите кои најчесто ги восприемаме од медиумите, но самите да се едуцираме и да пронајдеме што би можело да се дефинира како здрава или корисна исхрана за нас самите.

Како да постапуваме со најзастапените прехрамбени продукти а да не згрешиме?

1. Свежо овошје. Но обидете се да го конзумирате не повеќе од еден килограм дневно. Иако повеќето овошја се лесни, со голем процент на вода, минерали и витамини, сепак во нив има и шеќери. Прекумерната конзумација на овошје исто така може да доведе до округло стомаче. Како пример погледнете колку калории има во бананите.

2. Млеко и млечни производи. За здрав организам, млекото и млечните производи можат да бидат одличен извор на повеќе корисни прехрамбени состојки. Сепак и за овие продукти важи истото правило. Одлични се за секојдневни здрави диети.

3. Житарки. Житарките се основен прехрамбен продукт за човекот в последните десетици илјади години, па на некоја начин сме еволуирани најдобро да ги искористуваме. Обидете се да внесувате житарки и на други начини, а не само како леб. Неколку печени или варени кочани неделно можат пријатно да го изненадат вашето тело. Рецепт за шпагети

4. Месо. Со месото треба внимателно да се постапува. Нашиот хранопровод е многу посличен на хранопроводот од животните кои не јадат месо, а е многу различен од месојадите. Никогаш нема да згрешиме доколку месото го третираме како додаток на главното јадење. Во малку поголеми количини можеме да ги конзумираме посните меса како што е печеното пилешко.

5. Зрнести плодови. Во последно време многу се разговара и се пишува за зрнестите плодови и се глорифицираат нивните нутриционистички карактеристики. Воглавно податоците се точни, но внимавајте да ги конзумирате не повеќе од педесетина грама дневно и по можност сирови и без додатоци како сол или други зачини.

За крај би сакал да ве потсетам на: неколку прехрамбени продукти за кои погрешно мислиме дека се добри.

Leave a Reply

Your email address will not be published. Required fields are marked *

* Copy This Password *

* Type Or Paste Password Here *