Рецепт за зачинети печени компири – 120 калории

Ова е брз и лесен рецепт за печени компири, кој по мое мислење е одличен додаток за секое месо, но може да се припремат за да се конзумираат како лесен ручек, вечера или ужина. Мешавината на зачини, тревки, како и маслиновото масло и лимоновиот сок е прекрасна и гради еден специфичен вкус кој е нов за овие наши простори. Се на се одличен начин за да припремиме компири а да не бидат досадни. Рецептот е за 4 лица.

За овој рецепт ни се потребни следниве состојки:

Два големи (или 3 средни) компири, излупени и исечени на долги парчиња.
1 лажица иситнет рузмарин,
1 лажица иситнет естрагон,
1 лажица иситнет магдонос,
¼ лажица сомелен ким,
2 лажици маслиново масло
1 лажица лимонов сок – за сите мерки употребувајте супени лажици.
Сол и бибер по потреба.

зачинети печени компири

Припрема:

Загрејте ја рерната на 170 до180 степени целзиусови. Компирите измиени и исушени измешајте ги со зачините, тревките, маслиновото масло и лимоновиот сок.
Потоа ставете ги во тава за печење на која претходно сте ставиле хартија за печење. Печете околу 25 минути или проверете дали се крцкави и со златеста боја.
Можете да ги конзумирате како лесен додаток со главен оброк или како ужина или лесен оброк.

Нутриционистички информации (по оброк):

Калории: 120
Масти: 6,9 г.
Холестерол: 0 мг.
Натриум: 37,5 мг.
Шеќери: 14 г.
Диетални влакна 2,1 г.
Протеини 1,3 грама.

Како да почнете да вежбате

Фитнес и вежбање

Сакате да избегате од секојдневието, вашата гардероба ви е тесна, изгледате уморно и се задишувате после качување на третиот кат или тречање по автобус?

Сето ова може да биде минато дококу имате малку волја да го решите проблемот, а тој секако е во главата, па и одлуката да почнете да се занимавате со некаква физичка активност, вежбање или рекреација.
Битно е да се започне од некаде. Вежбањето и физичката активност е прашање на навика. На почеток секој чуствува негодување и отпор. Еве некоку начини као да се надмине тоа.

 

Цел

Многу е важно самите кон себе да бидеме критични и да си поставиме цел која ќе ја напишеме на видно место во домот како парола (најдобро на фиржидер), која секој ден ќе ја гледаме. Но тоа треба да биде реална цел која можеме да ја исполниме. За почеток нека бидат лесни 15 минутни вежби, кои ќе ги правиме три месеци во континуитет. Бидете реални кон себе и изберете дисциплина која најмногу ќе ви одговара (фитнес, трачање, пливање и слично). Мора да бидете конкретни за да не ја изгубите целта, а со тоа и што треба да правите. Изборот на целта претставува најбитен елемент во процесот на вежбање, затоа што следењето на нашиот напредок кон неа претставува најголема мотивација во вежбањето и мерка според која ќе ги мериме постигнатите резултати.

 

Долгорочна активност

На секоја активност потребно и е време да премине во навика. Истото се случува и со вежбањето. Нема да биде доволно ако активноста што сте ја избрале биде застапена само месец дена, со тоа нема да стекнете навика. Што подолго се бавите со вежбање поголема е шансата да ви стане навика и тоа до степен кога ви е потребно како нешто без кое не можете да живеете.

 

секси маж вежбање

Обезбедете си поддржувачи

Сите сакаат да се фалат со постигнатите резултати. Дококу сте постигнале нешто позитивно на вашето тело а другите ќе го приметат тоа, тоа е уште еден мотив плус. Ако се занимавате со некоја спортска активност, не се срамете да зборувате за тоа, слободно дискутирајте.
Поддршката од пријателите, вашиот пратнер, членовите на семејството, колегите од работа е добредојдена. Би можеле да го искоритите и Интернетот да добиете дополнителна поддршка или да поддржите некој друг кој одлучил да го направи истото.

 

Дополнителна мотивација

Ако сето ова наведено не ви е доволна мотивација, мора да пронајдете нов извор на мотивација. Размислете зошто воопшто сакате да вежбате, што ви е важно и кои ви се примарни цели. Вашето здравје, потрага за нов партнер, вашиот нов изглед можат да бидат одличен стимуланс за да ги затегнете мускулите и да зрачите позитивна енергија. Тоа се само неколку дополнителни причини за вежбањето да ви стане навика.

 

Николина Ќорвезироска

Колку калории има во едно варено јајце

Во едно средно големо варено јајце има околу 65 до 70 калории.

калории во едно варено јајце

Калории од масти има околу 40 до 45, бидеќи во јајцето има цели 5 грама масти.

Холестерол има многу. Околу 185 милиграми кои се дури 62% од дневните човекови потреби. Натриум има 122 милиграми (5% од дневните потреби), Калиум 55,23 милиграма, а шеќери само половина грам. Јајцата се богати со протеини и во едно средно по големина јајце има околу 5,5 грама протеини (11% од дневните потреби). Микроелементите и витамините се застапени со Витаминот А со 5% од дневните потреби, Калциумот со 2% од дневните потреби, Железото со 3% од дневните потреби, Витаминот Е со 1%, Тиаминот со 1%, Рибофлавинот со 11%, Фолната киселина со 5%, Витаминот Б6 со 3%, Витамин Б12 8%, Фосфор 8%, Магнезиум 1% и Цинк 1% од ДП.
Само белката од јајцето „тежи“ 16,5 калории, а има 3,5 грама протеини. Белката од јајцето скоро и да нема шеќери односно јагленихидрати, а исто така не содржи масти. Затоа многу спортисти и бодибилдери, бираат да јадат само белки од јајца, бидеќи се одличен извор на протеини неоптоварени од „лошите“ масти и шеќери.

Печено пилешко со соја сос – 200 калории

Печени пилешки копани

Овој рецепт е многу лесен и веројатноста дека може да го згрешите е минимална. Вкусот е фантастичен, а припремата е кратка. Одговара за сите оние пренапорни работни денови, кога после работа не сте способни за ништо, но сепак сакате да си ја разгалите душата со домашна и свежо припремена храна.

За 4 лица ви се потребни следниве состојки:

4 пилешки копани со докопани

2 лажици соја сос

Малку лук во прав Continue reading

Колку калории има во едно пиво

девојка на плажа пие пиво

Во едно мало шише (330 мл) светло пиво, има околу 150 калории.

Калории од масти нема затоа што во пивото воопшто нема масти. Холестерол исто така нема, но има 18 милиграма Натриум, 90 милиграма Калиум, околу 13,5 грама шеќери и околу 0,7 грама диетални влакна. Во пивото има и околу 1,1 грам протеини. Се разбира, околу 12 грама од количината отпаѓаат на алкохол. Од другите микроелементи во пивото се застапени и Калциумот со 2% од дневните потреби, Тиаминот со 1%, Железото со 1%, Рибофлавинот со 5%, Ниацинот со 8%, Фолна Киселина со 5%, Витамин Б6 со 9%, Витамин Б12 со 1%, Фосфор со 4%, Магнезиум со 5% и Бакар со 2% од дневните потреби.

Ослабете без диети

Oslabete bez dieti

Не можете да ги смените вашите прехрамбени навики?

Тогаш овие наши совети за слабеење без диета добро ќе ви дојдат.

1. Испијте барем половина литар вода, веднаш откако ќе се разбудите. Тоа е не само добар начин да ја надоместите водата која сте ја потрошиле за време на ноќниот сон, но е и вистински начин потполно да го разбудите вашиот организам. Во текот на денот морате да конзумирате вода во количина која е за 25 пати помала од тежината на вашето тело. Значи доколку имате 80 килограми, минималната количина на вода која треба да ја внесете е 3,2 литри, а за 100 кг – 4 литри.

2. Испланирајте повеќе физички активности. Половина час пешачење претпладне и половина после пладне можат да ги потрошат калориите кои сте ги внесле со вашиот најобилен оброк. Ако не можете да најдете време за пешачење, одделете барем по 10 минути и искористете ги за качување и слегување по скали. Се разбира ние не сме врвни експерти за диети и фитнес, па не морате да не послушате. Можете едноставно да си „измислите“ друга физичка активност која добро би ве загреала и испотила. Continue reading

Што е тоа Диета

Од нутритивен аспект, диетите односно диетата е израз кој ги опишува количината и квалититот на храната која ја внесуваме во нашиот организам. Диетата е исто така и збирот на навики кои ги имаме кога ја избираме нашата храна. Се разбира на нашиот избор влијаат повеќе фактори како што се нашите индивидуални навики, домашните прехрамбени навики, достапност на определени видови на храна, културата во која сме израснале и повеќе други фактори (етика, табуа) за кои можеби ќе дискутираме во иднина. Continue reading